Bhai Dooj Kaise Manaye – Bhaubeej Ka Utsav – भाई दूज कैसे मनाये


Bhai Dooj Kaise Manaye Bhaubeej Ka Utsav

Bhai Dooj Kaise Manaye Bhaubeej Ka Utsav

Bhai Dooj Kaise Manaye – भाऊबीज का उत्सव

Pichle article me hamne diwali manaye. Is article me hum janenege Bhai Dooj Kaise Manaye Bhaubeej Ka Utsav manane ki vidhi. Ye toh aap sabhi jante hi hain ki Bhai Dooj parv bhaiya ke prati behno ke shradha aur vishvash ka parv hai. Is parva ko har saal kartik ke maas ke shukla pakch ki dvitiya tithi ke din hi manaya jata hai. Is parv ko behne apne bhaiya ke mathe par teelak laga kar manati hain. Bhagwan se apne bhaiyu ki lambi umra ki kamna karti hain.

Hum sab ke jivan main bahut sare riste hote hain and har rishte ka humare jivan main alag alag mahatwa hota hain. Kuchh rishte aise hote hain jo bade hone ke baad humare jivan main aate hain jaise ki pati aur patni ka rishta, friend and friend ke bich ka rishta. Kuch rishte aise hote hain jo janam se hamare sath jude hote hain jaise ki mata-pita ke sath humara rishta. Ek aisa hi anokha aur bahut pyara rishta hota hain bhai aur bahan ke bich ka rishta. Bhai – bahan ka rishta ek aisa rishta hain jo bachpan se hi humare sath juda hota hain aur kabhi bhi khatam nahi hota.

Ek bahan har haal main bas yahi chahti hain ki uska bhai humesha salamat rahe aur khush rahe aur ek bhai bhi har haal main apni bahan ki bhalai ke bare main hi sonchta hain. Chahe jivan main kitne bhi naye rishte kyu na jud jaye magar firvi is rishte ka mahatwa kam nahi hota. Issi anokhe bandhan ko aur jada khas aur pakka banane ke liye samaj ne kuchh niyam and tyohar banaya hain. Aisa hi ek tyohar hain bhai dooj ka tyohar. Bhai aur bahan ke rishte ko aur jada khas banane main is tyohar ka ek mahatwapurna yogdan he. Aaiye jan lete hain ki bhaiya dooj ka tyohar kaise manaya jata hain.

Bhai Dooj ki kahani

Bhai dooj se joodi kivendti bhai behan se joode jitney parva manaye jate hai, unme raksha bandhan aur Bhai dooj ye do parv visesh hai. Katha ke anusaar yam devta ne apni behan ko isi din darshan diye the. Yam ki behan yamuna apni bhai se milne ke liye bahut vyakul thi. Apne bhai ke darshan kar yamuna behad pareshan hokar apne bhai ki bahut avgavat ki. Yam ne khush hokar usko vardan diya ki is din agar bhai behan ek sath yamuna main snan karege, toh unhe mukti prapat hogi. Isi karan se is din yamuna nadi main bhai behan ke sath snan karne ka bada mahatva hai. Iske alawa yum ne yamuna ne apne bhai se vachan liya ki aaj ke din har bhai ko apni behan ke ghar jana chaiye. Tabhi se bhai dooj manane ki pratha chali aa rahi hai. Jin bhaiyu ki behne door hoti hai. Wo bhai apni behno se milne bhai dooj par jarur jate hain. Aur unse teeka karakar gift aadi dete hain.

Bhai Dooj Kaise Manaye

Darasal, hindu samaj main bhai behan ke prem aur shuhard ka prateek yeh parv diwali ke do din baad manaya jata hai. Kyuki yeh din yam dvitiya bhi kehlata hai. Isliye is parv par yam dev ki pooja bhi ki jati hai. Ek manyata ke anusaar is din jo yam dev ki upasna karta hai, use asamanya maran(death) ka dar nahi rehta hai. Hinduo ki baaki festival ki tarah bhi Bhaubeej Ka Utsav paramparau se juda hua hai. Is din behne apne bhai ko tilak lagakar aur gift dekar uski lambi aayu ki kamna karti hain. Badle main bhai apni behan ki raksha ka wachan deta hai. Is din bhai ka apni behan ke ghar bhojan karna vishesh roop se subh hota hai.

Bhai dooj ke visheye main manyatae pauradin manyta ke anusaar yamuna ne isi din apne bhai yamraj ki lambi aayu ke liye vrat kiya tha, aur unhe annkoot ka bhojan khilaya tha. Mithila nagari main is parv ko aaj bhi yamadvitiya ke naam se jana jata hai. Is din chawalo ko pees kar ek lape bhaiyu ke dono hatho main lagaya jata hai. Aur sath hi kuch sthano main bhai ke hatho main sindoor lagane ki bhi parampara dekhi jati hai. Bhai ke hatho main sindoor aur chawal ka lape lagane ke baad uspar paan ke paanch patte, supari aur chandi ka sikka rakha jata hai, uspar jal udelte hue bhai ki dirghayu ke liye manter bola jata hai. Bhai behan ko gift deta hai.

Bhai dooj ka tyohar manane ki vidhi

Bhai dooj ka function bahan ke ghar main hi manaya jata hain. Bhaiya dooj ke tyohar ke din bhai apne bahan ke ghar aata hain. Bhaiya dooj ke din bahne bade saukh se and khushi se apne bhai ke liye accha accha bhojan pakati hain. Bhai bhi iss din naha – dho kar acche se taiyar ho jata hain aur uske baad apne bahan ke ghar jata hain. Bahan apne bhai ko ek acche se aasan par bithati hain. Uske baad bahan apne bhai ke mathe par chandan and chawal ka tilak lagati hain. Tilak karne ke baad bahan apne bhai ki aarti utarti hain aur agar bhai chhota hota hain toh woh apne bahan ka pair chhu kar apni bahan se ashirvaad leta hain aur bahan bhi apne bhai ko dil khol kar ashirvaad deti hain.

Aarti karne ke baad bahan apne bhai ke liye jo khana banakar rakhti hain woh bade pyar se apne bhai ko parosti hain aur apne bhai ko bade pyar se khana khilati hain. Bhai bhi apni bahan ko bade pyar se khana khilata hain. Khana khane ke baad bhai apni bahan ko achhi achhi gifts deta hain aur bahan bhi bade khushi aur tripti ke sath us gift ko grahan karti hain and bahan bhi apne bhai ko bahut sare gift deti hain. Isike sath Bhai aur bahan apne bhaiya dooj ke function ko khatam karte hain.

Bhaubeej Ka Utsav

Bhai dooj parv par behne prath: snan kar, apne east dev ka poojan karti hai. Chawal ke aate se chauk teyar karti hain. Is chauk par bhai ko bethaya jata hai. Aur unke hatho ki pooja ki jati hai. Bhai ki hatheli par behne chawal ka ghol lagati hai. Uske upar sindoor lagakar kahu ke fool, supari, mudra aadi hatho par rakh kar dhire dhire hatho par paani chod jata hai.

Kahi kahi is din behne apne bhai ke mathe par teelak lagakar unki aarti utarti hain aur fir hatheli main klawa bandhti hain. Bhai ka mooh mitha karne ke liye bhaiyu ko makhan mishri khilati hai. Sandhya ke time behne yamraj ke naam se chaumukh diya jalakar ghar ke bahar diye ka mukh dakshid disha ki aur karke rakh deti hain. Is din aasmaan main udti hui cheel dekhne ke vishye main yeh manyata hai ki behne bhaiyu ki aayu ke liye jo dua mangati hai, wo dua poori hoti hai.

Upar ke lekh main humne bataya ki bhaiya dooj ka tyohar kaise manaya jata hain. Hum chahte hain ki jin logo ko iss tyohar ke bare main pata nahi hain unn logo ko yeh jankari ho jaye ki bhaiya dooj ka tyohar kaise manaya jata hain. Aap log humare aaj ke is lekh ko jara dhyan se padhiye taki aap logo ko bhi bhaiya dooj ke tyohar ke bare main pata chal jaye. Aur is tyohar ke jariye aap log apne bhai ke sath apne rishte ko aur jada khas bana sake.

Bhagwan Ki Puja Karne Ki Vidhi & Tips.

Mr Hindi Indian Youtube Channel