Beauty Parlour Kaise Chalaye Tips and Suzav – ब्यूटी पार्लर कैसे चलाए


Beauty Parlour Kaise Chalaye

Beauty Parlour Kaise Chalaye

Beauty Parlour Kaise Chalaye – ब्यूटी पार्लर Tips and Suzav

Beauty parlour chalu karna and us main kaam karna bahut logo ka sapna hota hain. Bahut log yeh chahte hain ki unn ke paas apna ek beauty parlor ho jis main woh kaam kar sake. Lekin beauty parlour kholne ke and chalane ke liye humara yeh jan lena bahut zaruri hain ki Beauty Parlour Kaise Chalaye and aise kaun kaun se tarike hain jinko apnakar hum apne beauty parlour ko acche se chala sakte hain. Kyun ki kabhi kabhi hum koi kaam suru toh kar dete hain magar uss kaam ko hum successfully completed nahi kar pate. Aaj ke iss lekh main hum aap logo ko yeh batayenge ki ayese kaun kaun se tarike hain jinko apnakar hum apne beauty parlour ko acche se chala sakte hain taki aap log apne iss mission main 100% kamyab ho sake aur apne beauty parlour ko acchi tarah se chala sake.

Beauty parlor chalane ke kuch asan and saral tips

Beautician ka kaam

Ek beautician ka kaam yun to grahakon ke hisab se unke chehre ko khubsurat luk dena hota hai. Lekin chehre ko khubsurat banane ke piche jo prakriyan, yaani kaam kiye jaate hai unhe anek naam diye gaye hai. In kaamon me khastour par threading, bleech, anek tarah ke facial, face pack, head masage, body masage, hair style hote he. Sath hi color aur cutting aadi, roller setting, eye brow, shampoo, mehandi, anek tarah ka makeup, nail care aur isi tarah ke kaam kiye jaate hai.

 Jagah ka chunav

Beauty parlour kholne ke liye kam se kam ek ausat dukan honi chahiye. Iske alava agar aap bade star par kaam kholna chahte hai to usi hisab se jagah bhi jayda chahiye. Agar aapke paas do kamro ki dukan hai, jisme ek kamra dukan ke andar parde aadi ki aad me ho to aapki dukaan yaani parlour grahakon ko jayda aakarshit karega. Motetour par aapke pass ek aisi dukaan honi chahiye, jisme do chaar grahakon ko sajane savarne ke alava do chaar grahakon ke baithne ki bhi jagah ho. Vaise to yeh kaam market me jayada accha chalta hai lekin seheron me galiyon me bhi aajkal khub beauty parlour chalta hai.

Accha mahol

Aap agar apne parlour main jada grahako ko aate jate dekhna chahte hain toh aap apne parlour ka mahol ayesa banaiye jisse aapke parlour main jada se jada grahak aana pasand kare. Aapke beauty parlour ka accha mahol hi parlour main grahako ka man lagaye rakhga aur aapke parlour main jada se jada grahak aana pasand karenge. Aap apne parlour main ho sake toh ek TV laga dijiye ya music ka intezam kar dijiye. Iss facility ko dene ke baad aapke beauty parlour main grahaki bahut jada badh jayegi.

Jaruri samaan

Beauty parlour ke liye jaruri samaan aapko har chote bade shehar, kasbe me mil jayega. Delhi me yeh samaan sadar bajaar me sabse jayda milta hai. Jaruri samaan me vibhinna prakar ki cream, powder, eye brow liner, bleach, wax paste, steamer aadi ate he. Sath hi curling rode, dryer, dhaga, canchiyan, kanghi, dewaron ke liye shishe, kursiyan, facial bed, fecial trolly, hot aur cold clavnic aadi ki jarurat hoti hai.

Aamdani

Agar aap kam se kam lagat yaani 40-50 hajar se kaam shuru karte hai to shurvaat me mahine me 10 se 15 hajar rupaye aasani se kama sakte hai. Jaise jaise aapka kaam badhta jayega aamdani bhi badhti jayegi. Agar aap bade star par kaam shuru karte hai ya acchi market me beauty parlour kholte hai, to 20 se 30 hajar rupaye mahina kama sakte hai.

Loan

Beauty parlour ka kaam kholne ke liye aap loan bhi le sakte hai. Agar aapne khadi gramudyog se beautician ka course kiya hai to aap uske certificate par loan le sakte hai. Jisme aapko choot bhi milegi. Is yojna ke antargat loan ki seema ek laakh se pachis laakh tak hai.

 Yogyata

Beauty course karne ke liye yogyata ke hisab se hi aapko sansthan me pravesh milega. Karan, kuch sansthan aathvi ya usse bhi kam padhe likhe ko prashikshan de dete hai. Vahin kuch sansthan dasvi ya barahavi pass ko hi pravesh dete hai. Atha agar aap kam padhe likhe hai ya keval dasvi ya barahvi pass hai hai to aap is kshetra me aaram se kadam rakh sakte hai. Beauty parlour chalane ke liye Parlour Name, Parlour Course, Beauty Tips, Parlour Interior in sab baaton ko dyan me rakhe.

Aayu seema

Koi bhi hunar sikhne ke liye yun to umar ka badhan nahi hota, fir bhi agar aapki aayu 16 se 50 saal tak hai to aap beauty course kar sakte hai.

Discount

Aapne agar naya naya parlour khola hain aur aap chahte hain ki aapke parlour main naye naye grahak aate rahe toh aap fees main thoda sa discount de dijiye aur ek discount ka ek time limit set kar dijiye. Ayesa karne se sare customers dusre kisi parlour main jane ki jagah aapke parlour main jada aayenge aur jaise jaise aapke customers badhenge wese wese aapki income bhi kai guni badhti jayegi.

Grahako ke sath humesha politely baat kare

Agar aapko apni grahaki badhani hain toh aapko iss baat ka khas dhyan rakhna hoga ki aap humesha apne grahako ke sath acche se aur manners se baat kare. Aapka bura vyabahar ke karan hi aapke parlour main grahako ki entry nahi hogi aur aur aapka accha aur polite behavior hi grahako ko aapke beauty parlour ki or khich kar layega.

Upar diye gaye lekh ko padhkar aap logo ko pata chal chuka hoga ki hum apne beauty parlour ko acchi tarah se chalane ke liye kaun kaun se tarike apna sakte hain. Hum toh har haal main bas yahi chahenge ki aap logo ke jivan ka har chhote se chhota sapna pura ho aur aap log apni manjil ko hasil kar sake. Aap log bas in tricks ko dhyan se padhiye aur follow kariye. Hume pura yakin hain ki in tricks ko padhne ke baad aap logo ko kafi madat milegi apne beauty parlour ko acchi tarah se chalane main. Isiliye humari aap logo se yeh request hain ki aap log in tricks ko zara dhyan se padhiye aur follow kariye. Agar kuchh asan tariko ko apnane se aap logo ka carrier sawar sakta hain toh hume nahi lagta ki aap logo ko iss lekh ko avoid karna chahiye. End main hum aap logo se yahi kahenge ki aap log in tricks ko dhyan se padhiye aur ho sake toh follow kariye, Kya pata ek chhota sa faisla aap logo ki zindagi badal de.

Khubsurat and Komal Tvacha Kaise Kare.

Mr Hindi Indian Youtube Channel