Free Recharge App

Bathroom Ki Safai Kaise Kare | Washroom Clean Karne Ke Tarike


  • Free Recharge on Mobile - Download Now
Free Mobile Recharge Kaise Kare
Bathroom Ki Safai Kaise Kare | Washroom Clean Karne Ke Tarike
Bathroom Ki Safai Kaise Kare

Hello dosto! Aaj ke humare iss lekh ka topic hain Bathroom Ki Safai Kaise Kare. Ummid hain aaj ka yeh article aap logo ko ke liye kafi use full sabit hoga aur aap log inn tricks ko bhi zarur follow karenge. Toh chaliye bina samay gawaye hum yeh jan lete hain ki hum apne bathroom ko saaf rakhne ke liye kin kin tariko ko follow kar sakte hain.

Bathroom Ki Safai Kaise Kare

Saaf safai kerte waqt agar hum kuchh baato ka dhyan rakhe toh humari saaf safai easy ho sakti hain aur sath hi sath bahut sari problems se aur acidic cheezo se bhi bacha ja sakta hain. Bathroom pot ya poty pot par saaf karna hain toh pehle toh pot ko gila ker le fir us per baking soda ka sukha powder daal de. Ab 5 minute tak ayese hi rahne de fir ise brush se saaf kar le.

Bathroom Ki Safai Kaise Kare  – tarike

Tiles

Bathroom ke tiles saaf karne ke liye meetha soda ek choti si pyali ya bare bowl main dale aur uss main liquid washing soap mila le, jiss main lemon mila hua ho. Ab inn dono ko kante se achi tarha mix kar le aur tiles par laga de aur do se dhai ghante laga hua hi chhod de.

Phir pani main safed sirka do chamach mila kar usse saaf karde. Ab aapke tiles itne saaf ho jayenge ki unn main aap ayina bhi dekh le.

Fiting

Bathroom ki fiting aksar kali aur gandi ho jati hain toh inn ko chamkane ke liye char chammach washing soda ke sath thora sa mitti ka oil mila le. Ab iss mishran ko aap apne bathroom ki fiting par laga kar thori dar ke liye chhor de aur thodi der ke baad usko kapde se saaf kar le. Itna karte hi fiting chamakne lagega.

Flash ko saaf karne ke liye tarike

Flash ko saaf karne ke liye ek chauthayi pyali colarin bleach ya adhi pyali ammonia daal kar uske dwara flash ko brush se saaf kare. Saaf karne ke baad pani baha de. Isse flash chamak jayega. Lekin yaha par aap logo ko ek baat ka khas khayal rakhne ki zarurat hain ki aap log inn dono chemicals ko ek sath kabhi bhi istemaal na kare.

Bathroom ki balti ko saaf karne ke liye

Bathroom Ki Safai Kaise Kare me bathroom ki baltiyo ko saaf karne ke liye mitti ka oil aur washing soda se balti ko acchi tarah se manj de. Thodi der ke baad garam pani se balti ko dho le. Aapke bathroom ki balti bilkul saaf ho jayegi.

Farsh ke dewar

Farsh ya dewaro ko dhone ke liye do baltiya istemaal kare. Ek main safai karne ke liye sabun mila pani rakh le aur dusre main sada pani rakh le. Ab pahle aap log sabun mila jo pani hain uski help se farsh aur diwaro ko ghis le aur uske baad saaf pani se bathroom ke farsh aur diwaro ko dho le.

Bathroom main lage sheeshe ki deware agar sabun ke nishan aur pani se dhundali ho jaye toh hafta main ek dafa uss dewar ko sirke se saaf kar liya kare. Ayesa karne se humasha sheesha chamakta rahega.

  • Free Recharge on Mobile - Download Now
Free Mobile Recharge Kaise Kare

Kuchh paudhe rakhe

Apne bathroom ki badbu ko dur karne ke liye aap bathroom ki khidki par ya andar khushbu yukt paudhe bhi raakh sakte hain. Yeh paudhe hawa ko saaf karte hain. Aur isse prakritik khushbu bhi aapko milegi hi sath sath aapka bathroom accha bhi dikhega. Aap ek chhote se gamle main gulab ka phul, gende ka phul ya fir chameli ka phul rakh sakte hain aur apne bathroom ki shan badha sakte hain.

Prakritik oil

Bathroom ki badbu ko hatane ke liye prakritik oil bhi ek bahut uttam upay hain. Aap prakritik oil ke kuchh bunde apne toilet ki seat par chhidak dijiye aur kuchh der ke baad tez dhar se pani uss par baha dijiye.

Pankha ya fan lagaye

Aap log apne bathroom main pankha ya fan zarur lagaye. Ayesa karne se aapka bathroom badbu free rahega. Jadatar badbu peshab ke wajah se bathroom main aati hain. Toh yeh pankha gandi badbu ko bahar fek deta hain. Isiliye aapke bathroom main iss fan ka laga hona behad zaruri hain.

Pani humesha daale

Aap jab bhi bathroom main ka istemaal kare, chahe sauch ke liye ya peshab ke liye. Aapko pani daalna bilkul bhi nahi bhulna hain. Isiliye pani ka aap log niyamit taur par prayog kare. 650

Nimbu

Agar kamod ke bahar gandagi jam gayi hain toh waha par nimbu ka ras daale aur turant hi brush ke dwara saaf kar de. Ayesa karne se gandagi bhi saaf hogi aur waha se acchi khushbu bhi ayegi.

Botka

Aap apne bathroom ki tiles ko saaf karne ke liye botke ka istemaal bhi kar sakte hain. Hala yeh aapko thoda mahanga padega lekin fir bhi yeh ek bahut accha tarika hain bathroom ki tiles ko saaf karne ka.

Only soda

Upar humne aap logo ko sode ke sath oil, liquid etc. Milakar bathroom ki saaf karne ke tariko ke bare main jankari diya hain lekin kya aap log yeh jante hain ki sirf soda se bhi hum apne bathroom ko saaf karne sakte hain. Ji ha dosto sirf soda ke dwara bhi hum badi asani se apne bathroom ki safai kar sakte hain. Aap bathroom ki jamin par backing soda faila dijiye, fir aadhe ghante tak ayese hi chhod dijiye. Aadhe ghante ke baad aap kisi motte brush se ragad kar apne bathroom ki safai kar lijiye. Acche result ke liye aap iss kaam ko hafte main kam se kam ek baar zarur kare.

Namak

Agar kisi daag par namak chhidak kar uss par garam garam pani daala jaye toh woh daag saaf ho jata hain. Aap bhi yeh formula apne bathroom main lage daag dhabbo ko hatane ke liye istemaal kar sakte hain.

Sidka

Bathroom ke farsh par lage balti ka daag ya fir sink ki pipe ke kinare Lage daag ko safed sidke se saaf kiya ka sakta hain. Bas thoda sa sidka daalkar 15 minute ke liye usko ayese hi chhod dijiye. 15 minute ke baad uss par nimbu ka ras daal dijiye aur fir se 15 minute ke liye ayese hi chhod dijiye. Ab 15 minute ke baad bathroom ke brush se bathroom ke gandagi ko ragad kaar saaf kar lijiye.

Toh dosto pasand aaya na aap logo ko humara aaj ka Bathroom Ki Safai Kaise Kare yeh lekh. Agar sanch main aap logo ko humara aaj ka yeh lekh pasand aaya hain toh please aap log iss lekh ko acchi tarah se read kariye aur inn tricks ko apnakar apne bathroom ko chamka lijiye.

Ghar Ki Saaf Safai Karne Ke Tips

What's Your Reaction?

Love It Love It
0
Love It
Like It Like It
0
Like It

Bathroom Ki Safai Kaise Kare | Washroom Clean Karne Ke Tarike

log in

reset password

Back to
log in