Bartan Ki Safai Kaise Kare | Bartan Chamkane Ke Tarike and Tips


Bartan Ki Safai Kaise Kare | Bartan Chamkane Ke Tarike and Tips
Bartan Ki Safai Kaise Kare | Bartan Chamkane Ke Tarike

Bartan Ki Safai Kaise Kare

Hello dosto! Aaj hum aap sabke liye fir se ek naya topic lekar aaye hain Bartan Ki Safai Kaise Kare. Aaj hum aap logo ko yeh batayenge ki hum apne alag alag tarah ke bartano ko alag alag tarike se kaise saaf kar sakte hain aur kaise hum apne bartano ko naye jaisa rakh sakte hain. Toh bina ek bhi pal waste kiye aaiye hum yeh jan lete hain ki hum apne bartano ko saaf karne ke liye kin kin tariko ko follow kar sakte hain.

Bartan Ki Safai Kaise Kare – Tarike

Taambe aur chini ke bartan

Taambe aur chini ke bartan ko saaf karne ke liye bartan ko aadhe ghante ke liye sabun milaye hue garam pani main bhigo kar rakh de phir namak aur backing soda mila kar manj le. Aapke bartan turant hi chamak utthenge.

Jale hue bartan

Jab bartan jal jaye toh bahut sara namak da al kar pani daal de. 3 ya 4 ghante ke baad namak aur powder mila kar saaf kar le. agar bartan jada jala hua ho toh namak daal kar takriban 8 se 10 hours tak ke liye rakh de. Aur uss ke baad aap uss jale hue bartan ko manj le.

Plastic ke bartan

Plastic ke bartano ko saaf karne ke liye inn bartano per zara sa namak aur sidka mila le aur fir uss mishran ke dwara aap apne plastic ke bartano ko saaf karen. Iss upay se aapke plastic ke bartano par jo bhi dhabbe hain woh turant aur asani se dur ho jayenge.

Plastic ke bartano ke pilapan ko dur karne ke liye bartano main thoda sa soda lagakar plastic ke thailee main 1 ghante ke liye band kar ke rakh de aur phir lemon aur sidke se dho le. Aapke plastic ke bartan par chhaya pilapan chutkiyo main dur ho jayega aur aapka bartan naya jaisa dikhne lagega.

Plastic ke bartano par se haldi ke dhabbe ko dur karne ke liye besan se raggar kar dho le. Aapka bartan bilkul saaf ho jayega aur uss bartan ke upar laga haldi ka dhabba ayese gayab ho jayega jaise uss bartan par kabhi haldi ka dhabba laga hi na ho.

Pital ke bartan

Pital ke bartan ko chamkane ke liye thodi si pake imli ka pani le le. Phir iss main soft mitti mila kar bartano per lagaye aur thori der ke liye chhor de.  Baad main uss bartan ko manj kar saaf kar le. Ab aapke bartano main jo chamak ayegi usse aap khud hi dekh le.

Brass aur copper ke bartan

Brass aur copper ke bartan ko saaf kar ne ke liye aadhe pyale sidke main 1 table spoon namak daal de aur bartan par laga kar cloth se saaf kar le. Ayesa karne se aapke bartan khub saaf ho jayenge.

Aluminium ke bartan

Aluminium ke bartano main chamak lane ke liye aur uss bartan par lage dhabbo ko khatam kar ne ke liye 2 table spoon cream of tarter ko 1 liter pani main milakar bartan main daal kar ubbal le. Aapke bartan saaf ho jayenge.

Upar humne aap logo ko kuchh gharelu nuskho ke bare main aap logo ko bataya hain jinko acchi tarah se follow karke aap apne bartano ko saaf rakh sakte ho. Inn ke alawa bhi aur bahut sare tarike hain jinke dwara hum apne bartano ko saaf rakh sakte hain. Toh chaliye ab unn baki tariko ke bare main bhi jan lete hain Bartan Ki Safai Kaise Kare.

Cheeni-mitti ke bartan

Cheeni-mitti ke bartan main daag ho bhi jaye toh no tension. Salt aur vinegar ka mixture in dagon par kuchh der laga de. Fir ragar kar saaf pani se wash kar len. Bartan fir se shine karne lagenge.

Aagar pressure-cooker andar se black ho jaye toh sabji banane ke baad nimbu cut kar garam pani main ubale. Cooker ki blackness khatam ho jayegi.

Agar bartan jal gaye ho toh uss main 1 onion cut kar pani main boil kare. Bartan asani se saaf ho jayega.

Silver / Chandi ke bartan

Chandi ke bartan ko saaf karne hain toh sabse pahle ek medium size ka bowl yani ki katora le. Phir iss katore par aluminum foil yani Aluminum ki pani ki parat chadha de. Aluminum foil (Aluminum ki pani) market mein asaani se mil jati hain.  Aur phir iss bowl ko garam paani se bhar de. Iss main ek bada chammach kapda dhone wala detergent daale. Ab ek minute ke liye apni chaandi ka bartan iss main bhigo de. Ab saaf pani se ragar ragar kar dho kar isse sookha le.

Silver ka bartan agar jada ganda ya maila ho gaya ho toh aap tomato ketchup ki madad le sakte hain. Yeh sirf khane ka swaad hi nahi badhata hain, balki aapke chandi ke bartano ki shine ko wapas le aane main bhi madad  karta hain. Iske liye ek napkin par thoda sa tomato ketchup nikale aur kaala ya maili jagah par isse ragde. Dheere-dheere  aapke chaandi ki bartan ki chamak laut a nne  lagegi. Chamak agar jada chahiye toh 15 minutes ke liye ketchup ko uss par laga rahne de. Iske baad naram kapde se saaf karke pochh le. Agar aapke silver ke bartan main texture ya design ho toh isse aap apne toothbrush ki madad se  saaf kar sakti hain.

Important tips

Hand sanitizer sirf hath se germs ko nahi hatata hain, Balki yeh aapki chandi ko bhi chamka sakta hain. Iss kaam ke liye iske kuchh bunde ek naram kapde par dale aur apne chandi ke bartan ko isse saaf  kare.

Ek kapde main thoda sa toothpaste lekar apne silver ke bartan  ko rub kare aur kuchh der main hi isse chamakta hua dekhe.

Copper aur pital ke bartano par aksar green daag ho jate hain. Inko salt, nosadar(sal ammoniac) aur metholeted spirit ko kapde main lagakar saaf kar sakte hain.

Plastic ke bartan par daag lagne par garm pani main bleaching powder daal de. Fir iss main kuchh der bartan ko bhigo de. Iske baad saaf pani se dho le. Aapke bartan fir se chamak jayenge.

Ab aap logon achi tarah se samajh me aa hi gaya honga ki Bartan Ki Safai Kaise Kare. Toh ab aap logo se humari bas yahi request hain ki aap log humare upar ke pure post ko acchi tarah se read kare taki aap logo ko bartano ko saaf karne ke har ek tarike ke bare main puri tarah se jankari ho sake.

Ghar Ki Barkat Badhane Ke Tarike

What's Your Reaction?

Love It Love It
0
Love It
Like It Like It
0
Like It

Bartan Ki Safai Kaise Kare | Bartan Chamkane Ke Tarike and Tips

log in

reset password

Back to
log in