Apna Vajan Teji se Kaise Ghataye – अपना वजन तेज़ी से कैसे घटाए


Apna Vajan Teji se Kaise Ghataye

Apna Vajan Teji se Kaise Ghataye

Apna Vajan Teji se Kaise Ghataye – वजन कैसे घटाए

Kya aap thak gaye he apna vajan kam karne ke tarike dhundte hue? Vajan ghatane ke liye Sabse badhiya plan me aapse share krunga. Sabse Uttam Upay – Low Calorie khana khaye, ek do din ke liye nahi, toh use kuch months ke liye continue rakhe, 6 mahine ka plan banaye aur un 6 mahino me sabse kam khana sevan kare, kam calories wala khana khaye. So friends apna vajan teji se kaise ghataye iske tarike batata hu.

Vajan Ghatane Ki Jarurat

Humari sehat humare liye bahut jada important hota hain. Agar hum bahut jada duble patle hote hain toh hum yeh koshish karte hain ki kaise hum apna vajan thoda badha sake. Thik wese hi agar hum bahut jada mote hote hain toh bhi hume bahut problem hoti hain. Kyuki humara motapa hi humare jivan main bahut sare bimario ko nyovta deta hain. Sirf itna hi nahi humara sharir agar jada motta hota hain toh hume kisi bhi kaam ko karne main kafi pareshani ka samna karna padta hain. Isiliye hume apne motape ko control karke rakhna bahut jada zaruri hain.

Vajan Kyon Ghataye

Kuchh logo ko khaskar old category ke logo ko yeh lagta hain ki agar hum jada mote bhi hain toh kya hua, hume kaun si firse shadi karni hain. Aur aise log sonchte hain ki motapa kam karna ek fashion hain jo ki nayi generation ke log karte hain. Jab ki motapa kam karna ek fashion toh bilkul bhi nahi hain, balki yeh humare life main aane wali pareshanio ko rokne ka and future main hone wali bimario se bachne ka ek upay hain. Apne motape ko control karke apne aapko fit rakhna utna bhi mushkil nahi hain agar hum sahi tariko ko follow kare aur un tariko ko apnaye. Toh aaiye jan lete hain ki apne vajan ko tezi se ghatane ke liye hum kin kin tariko ko apna sakte hain.

Agar aapko kuch pounds jaldi ghatane ho, toh me aaj aapse kuch khas tariko ke bare me bataenge.

Motape ko kam karne ke tricks

Morning walk aur exercise ki adat dal le

Agar aap log apne motape ko control karna chahte hain aur ek fit body pana chahte hain toh aap log aaj balki abhi se hi morning walk ki adat dal lijiye. Aap log subah thoda zaldi jag jaiye aur morning walk ke liye chale jayiye and agar ho sake toh aap log exercise karna bhi shuru kar dijiye.

Oily khane se dur hi rahiye

Aapka vajan agar bahut jada hain toh oily khana aapke liye bilkul bhi sahi nahi hain. Aap log aaj se hi oily bhojan khana band kar dijiye. Kyuki oily bhojan karne se humare sharir main charbi ki matra jada ho jati hain jiske wajah se humara body ful jata hain aur hum mote nazar aane lagte hain.

Humesha apne aap ko kisi na kisi kaam main busy rakhiye

Kuch logo ki yeh adat hota hain ki woh log khana khane ke turant baad hi bistar par let jate hain aur 2 – 3 ghante ke liye so jate hain. Khana khane ke sath sath so jana ya bistar par let jana bhi ek karan hain motape ka. Aap logo ka wajan agar jada hain toh aap log khana khane turant baad bistar par mat jaiye aur humesha apne body ko active rakhiye. Yane ki humesha kisi na kisi kaam main apne aapko vyast rakhiye.

Teji se vajan ghatane ke liye aahar (diets)

Falo ka Ras (Fruit Juice) piye

Ye tarika hollywood diet ke naam se jana jata he. Fruit Fasting ka matlab he ki din me sirf fal or sabjiyo ka juice hi sevan kare, baki kuch na khaye, is se aapke sharir me moujud extra charbi (fat) gal kar nikal jata he. Kuch dino ke liye thakan mahsus ho sakti he, par dhire dhire aadat ho jayegi. Poshak aahar janane ke liye.

Din me tin kum se kum gilas kacche fal aur sabjiyo ka ras sevan kare. Fruits se milne wale fibers se sharir se vishakt padarth nasht ho jate he. Aur yad rahe, juice ko tasty ya meetha banana ke liye usme Shakkar na milaye, use ulta aapka vajan badh jayega. Shakkar jada khane se Diabetes bhi ho sakta he. Bajar me bhi inke kahi drinks upalabdh he, jaise ki -Cooler Cleanse, BluePrint, and Life Juice.

Nimbu Pani

Nimbu pani ye ek shaktishali pey he, jisse aapko jarurati jivan mulye mil jate he aur vajan kum krne ke liye madat hoti he. Ye nimbu pani diet jada der tak nahi krna chahiye, uske sath sabjiyo ka sevan bhi jaruri he. Nimbu Pani itna shaktishali he ki ise Strict Master Diet kaha jata he.

Pani Ahar (Water Diet)

Is ahar me pani pina padta he, din me 5 gilas pani pina jaruri he. Iska matlab ye nahi ki sirf pani hi pina chahiye, khana khaye, par bohot kam matra me, khana khane se pehle ek gilas pani pi le, is se aapka pet bhar jata he, aur khana apne aap kam khaya jat he. Par dhyan me rkhe ki sirf pani mat piyo, uske sath kuch khana bhi he. Agar aap do din tak sirf pani pite ho aur tisre din siddha bhar pet khana khate ho to use ulta vajan badh jayega. Pani pine ka karan he aap bhuke na rahe, aur jada na khaye.

Vajan kam karne wale khadya padarth

  • Machhli – Machhli vajan ghatane ka puratan tarika he. Par yad rakhe ki Chicken, Matan na khaye.
  • Olive Oil.
  • Fibres yukt Tarkariya (Sabjiya) – Lauki, Kakadi.
  • Beans aur baki faliya.
  • Red Wine.

Purn 30 Diet

Is diet me 30 din tak manavnirmit khadya padarth na khaye, jaise ki bajar me milne wale prakriya kiye gaye khadya padarth. Shakkar, Alcohol se bache.

Upar ke is lekh ko padhkar humne jana ki kaise hum Apna Vajan control kar sakte hain aur apne vajan ko ghatakar apne aap ko fit rakh sakte hain. Toh jab aap logo ko pata hain ki kin kin tariko ko apnakar hum apne motape ko control kar sakte hain toh ab aap log bilkul bhi der mat kariye aur humare dwara sujhaye gaye in tariko ko apnakar apne motape ko humesha ke liye bye bye bol dijiye and ek fit body ko apne life main shamil kar lijiye.

Ye Jarur Padhiye Weight Loss and Body Building Ki Puri Jankari.

Mr Hindi Indian Youtube Channel