Anar Ki Kheti Kaise Kare – Jankari Hindi Me अनार की खेती कैसे करे


Anar Ki Kheti Kaise Kare

Anar Ki Kheti Kaise Kare

Anar Ki Kheti Kaise Kare – अनार की खेती

Anar bharat me paye jaane wale falon mein se ek mahatvapurna fal hai aur iska upyog badi matra mein kiya jaata hai. Anar sehat ke liye bhi labh dayak hota hai. Yahi karan hai ki anar ki pure bharat mein badi maang hai aur isliye hi anar mehange daamon mein becha jaata hai. Is prakar anar ki kheti ek faayade ka karya hai. Aaiye jaane ki Anar Ki Kheti Kaise Kare Hindi Me.

Anar ki kheti ke liye mausam ka chayan

Anar adikhtar sukhe mausam mein zyada falta hai. Anar ke fal ko banne ke liye garm mausam ki zaroorat hoti hai. Tatha 38 degree celcius ke aas paas tapman hone par hi anar ke ped mein fal lag paate hain. Nami bhare mausam mein anar ke fal badh nahin paate aur unmein mithas utpann nahin ho pati hai. Anar ke paudhon ko sardi jaane ke baad basant ke mausam mein lagana chahiye.

Anar ko bone ka tarika

Anar ko bone ke do tarike hain. Pehla ki anar ke beejon ko seedha hi kheton mein bo diya jaaye, lekin iski koi guarantee nahin hai ki sabhi beejon se ankur footenge. Doosra tarreka hai ki anar ke paudhon ko nursery se laya jaaye aur unhen khet mein ropit kiya jaaye. Yeh tarika sahi hai aur issay sabhi paudhe lag kar sahi samay par fal dena aarambh kar dete hain.

 Anar ki kheti ke liye mitti ki tayyari

Anar ke paudhe bahut narm mitti mein nahin ug paate hain. Anar ke paudhon ke liye baalu jaise bhubhuri mitti acchi hoti hai. Anar ke paudhon ke liye mitti ka pH maan jo bhi ho woh usmay hi apne apko anukulit kar lete hain.

Kaise lagayen anar ke paudhe

Anar ke paudhon ko lagane ke liye 60 cm lambe, 60 cm chaude aur 60 cm gehre gadde khod len. Dhyan rakhen ki do gaddon ke beehc ki doori kam se kam 3 se 4 meter ho. Ab in gaddon ke aadhar mein khad mili mitti bharen jismen super phophate ki acchi matra ho. Iskay baad un gaddon mein anar ke paudhe rakhen aur phir baaki ki mitti us paudhe ki jadon par daal den. Paudhon ko lagane ke baad thoda pani dalen jisse ki mitti paudhon ke paas baith jaaye.

Kaisi ho khad

Jab aap anar ki kheti ke liye khad bazar se khareedne jaayenge to is baat ka dhyan rakhen ki khad mein nitrogen, phosphorus aur potassium jaise tatwa awash hone chahiyen. Iskay saath hi khad mein ammonium sulphate ke matra bhi acchi honi chahiye. Anar ke paudhe lagne ke pehle varsh mein 1/3 cup khad february, may aur september ke mahino mein paudhon par roz chidaken.

Sinchai

Paudhe lagne ke baad aap unki ek din ke antar se tab tak sinchai karte rahiye jab tak ki unmen nayi pattiyan nahin aa jaati hain. Nayi paatiyan aana is baat ka suchak hai ki anar ke paudhon ke liye khet upyukt hai. Jab anar ke ped par fool ya fal lagen to unhen har saptah pani ki sinchai karen. Yadi barish ka mausam hai aur barsaat ho rahi hai to aap pani mat daliye.

Patli shakhayen kate den

Anar ke tane ko majbooti pradan karne ke liye aur usay ped ki tarah bananeke liye anar ke paudhon mein aayi patli shakhaon ko kaat den. Isay apko paudha acchi tarah lagne aur bada ho jaane ke baad karna hai. Iskay saath hi woh shakhayen jinki pattiyan peeli ho rahi hain unhein bhi hata den.

Keet patangon se bachav

Anar ke paudhon par keet patange aakar usay nuksaan pahunchate hain. Anar lagne ke baad keet patango ka khatra badh jaata hai. Is sthiti mein un par 10 din tak ek din ke antar se endosulphn namak rasayan ka chdikaav karen jo bazar mein uplabdh hota hai.

Anar ki fasal

Foolon ke aane ke baad anar mein fal lagne aur unhen pakne mein 5 se 6 mahine lag jaate hain. Fal jab aachi tarah pak jaate hain to unka rang lal ho jaata hai aur unki satah thodi mulaayam ho jaati hai. Ek vikasit anar ka ped varsh bhar mein 100 se 150 fal deta hai.

Cotton or Kapas Ki Kheti Ki Tips In Detail.

Mr Hindi Indian Youtube Channel