Adsense Income Tax Kaise Bhare | AdSense Par Tax Kaise Calculate Kare

How to Pay Adsense Income Tax - Do you need to Tax on AdSense

How to Pay Adsense Income Tax

How to Pay Adsense Income Tax

Hello friends, aaj ke is article me ham Adsense Income Tax ke bare me baat karenge. Friends aap me se bahut readers blogging ko as their full time career choose kiye hoge, blogging industry ek bahut fast growing industry banta ja raha hai. Ek blogger jab apni blogging career start karta hoga toh sab se pahle vo apne income ke liye adsense he prefer karta hoga. Kuch bloggers aaise bhe honge jinki per year income 2.5 lakh se jada ki hogi lekin unko ye nahi pata hoga ki adsense se hone wali income par kitna aur kaise tax pay kare. Friends aaj ham adsense basis aur adsense history ke sath income tax ke bare me bhe jankari prapt karenge, toh chaliye shuru karte hai.

Adsense Income Tax Basics

Adsense google ke dawara bloggers ke liye design kiya gaya ek aaisa program hai jisme website publishers apne website me advertisement show kar ke income generete kar sakte hai. Google adsense ke ek verified publisher bannane ke liye aapko koi paise nahi dene hote, ye ek bilkul he free program hai. Google ne adsense program aaj se 13 saal pahle 2003 me shuru kiya tha aur dekte he dekte adsense logo ka favorites program ban gaya. Adsense ke dawara publish kiye gaye sabhi advertisement ko google manage aur control karta hai. 2014 me google ne adsense se karib $3.4 billion ki kamai ki. Adsense se revenue per click ya per impression generate hoti hai.

Adsense ka income tax kaise pay kare

India me income tax pay karne ke liye goverment ne alag alag categories ke liye different rate of tax decide kiya hai. Aagar aap apne blogging ki kisi bhe profession se 2.5 lakh ke below per yearly earn kar rahe hai toh aapko tax dene ki jarurat nahi hai.

Different rate of income tax in india

2.5 lakh se below earn karne walo ke ke tax rate nil hai.

2.5 – 5 lakh tak aagar aap earn kar rahe hai toh aapko 10% tax dena hoga.

5 – 10 lakh aagar aapki income hai toh aapko 20% tax govermnet ko dena hoga.

10 lakh ya usse zada income walo ko 30% tax dena hoga.

Income tax kaise calculate kare

Jada tar bloggers ko income tax calculate karne me problem aati hai, income tax calculate karne ka bhe kuch methods hai, which are as follow –

 total earning / pure saal ki earning

 (less) total expenses / pure saal ke karche

 (less) depreciation on all assets / apne machines ke depreciation

———————————————-

 ( is amount pe aapko income tax pay karna hoga )

Adsense income tax kaise pay kare

As a responsible citizen of country, tax pay karna hamara pahla dharam hai. Aagar aaapki blogging se income 2.5 lakh se jada hai toh aapko income tax zarur pay karna chahiye. Goverment ne country ke citizen ki aasani ke liye income tax pay karne ke liye online sewa shuru ki hai jasme aapko tax pay karne me koi muskil nahi hogi.

Online tax pay karne ke steps

Step 1 – pahle step me aapko goverment ke dawara banaya gaye website ko visit karna hoga https://onlineservices.tin.egov-nsdl.com/etaxnew/tdsnontds.jsp. Is website ko goverment ne tax payment ke liye banaya hai.

Step 2 – step 2nd me aapko samne ek page open hoga jisme aapko challan application select karna hoga. Tds / tcs option ke niche aapko challan no. /280 ko select karna hai ye challan aapko income tax aur corporation tax pay karne me help karega.

Step 3 – next step me aapke samne naya page open hoga jispe e-payment, income tax department likha hua hoga. Is form me aapko sabse pahle uupar diye gaye option (0021) income tax (other than companies ) par select karna hai.

Step 4 – step 4 me aapko diye gaye form ko properly fill karna hai kyuki is form me aapki puri details hai aur is details ka original hona bilkul jaruri hai. Form ko fill karte wakt aapko aek option milega jo ki type of payment ka hoga. Is option me aapko (300) self-assessment tax ko select karna hoga. Apne pan no. Ko fill karte wakt bilkul dhayan se kare kyuki ye ek bahut he zaruri part hai is form ka.

Step 5 – pure form ko fill karne ke baad proceed par click kare, iske baad apke samne new page open hoga jo ki confirm data ne naam ka hoga. Apne pure information ko cross check kar le and then submit to bank ke option par click kare. Next page bank ka hoga jisme aapko amount fill karna hoga aur jaise he amount payment successful ho jayega aaapko us page ko save kar lena hoga.

Is tarah se aap tax ki payment kar sakte hai.

Tax payment sabhi income generate karne wale logo ke liye compulsory hai, aap blogger ho ya kisi business ke owner, income tax pay karne ke aap aapne sath sath apne country ke development me apna contribution kar rahe hai.

Tax pay karne ke bahut se advantage hai, aagar aap proper tax pay karte hai toh aap kisi legal trouble me nahi fasenge aur sath he sath aapko koi penalties pay nahi karna hoga. Pichle kuch samay me goverment ne bahut se strict action liya hai non-tax payers ke khilaf aur un logo ke khilaf jinhone apni real income goverment ko disclose nahi kari. I hope aap adsense income tax ke rules and payment procedure samaj gaye honge.

A project by AnalogFolk © 2017