Acting Mai Career Kaise Kare – Actor Kaise Bane – Jankari Hindi Me


Acting Profession Me Career Karne Ke Tips

Acting Mai Career Kaise Kare

Acting Mai Career Kaise Kare Actor Kaise Bane

Acting Mai Career Kaise Kare Actor Kaise Bane. Kabhi aapane socha hai ki acting mai career kaise bana sakate hai. Acting mein career banane ke sapne roz lakhon log dekhte hain aur hazaron roz actor banne ke liye mumbai aate hain.  Acting field hi aisi hai. Yahan naam, paisa, shauhrat sabhi kuch hai par upar se chamkili dikhni wale is acting ke career mein apni jagah banana itna aasan bhi nahin hai. Acting mai career karane ke liye bahut mehanat karane ki jarurat hai kyoki hazaron log roz aate to hain par unmay se safalta kuch logon ko hi mil paati hai aur iska sabse bada karan hai ki woh suniyojit tarike se prayas nahin karte. Agar aap yojana banakar acting mein career banane ki koshish karenge to safalta apko shartiya milegi bas zaroori hai kuch baton ka dhyan rakhne ki. Aaiye jaane ki kya hain woh baaten jinhe apnakar aap ek safal actor ban sakte hain.

Sabse pehle mumbai jaayen

Yeh acting mein career banane ka sabse pehla zaroori kadam hai ki aap mumbai jaayen kyonki mumbai mein hi sare film aur tv production house hain. Lekin mumbai mehnga bhi bahut hai isliye wahan bahut samay tak bina kaam mile rehana aasan nahin hai. Iskay liye apko ek yojan banani hogi. Agar apka koi dost ya rishtedaar mumbai mein hai to aap wahan ruk sakte hain warna internet se sasti lodge ya sharing paying guest house ke baare mein pata karen jisse aap bina zyada kharch ke mumbai mein rah sakte hain.

Acting ke kaam talashen

Aap actor banne ke liye hi mumbai jaa rahe hain ye sahi hai aur aap production houses mein kaam mangne bhi jaayenge. Par jab aisa karenge to keval bade kaam milne ka intazaar hi nahin karte rahen. Mumbai mein aisay kai casting agents hain jo production houses mein logon ko bhejte hain kyonki shooting ke dauraan kabhi-kabhi bahut se logon ki zaroorat hoti hai. Yeh log ek din ki shooting ke ek hazar rupay tak de dete hain. Isliye aap apne apko artist association mein registered karwakar yeh kaam lete rahen. Issay apke paas paisa bhi aata rahega. Jis din aisa kaam nahin mile us din aap production house ke chakkar laga sakte hain.

Apna portfolio naya rakhen

Acting me careee banane ke liye apana portfolio naya rakhana jaruri hai .Portfolio yani apka varnan aur apke photo jo aap production house mein director ko dikhane wale hain ek dam naye hona chahiye aur unmay di gayi jankari sahi honi chahiye. Aap alag alag style ke photo apne saath rakhen. Kuch close-up photo hon, kuch full length photo hon jis say director samazh sake ki aap har andaz mein fit hain. Iskay saath hi aap apne biodata mein har role ka zikr karen jo ab tak aap kar chuke hain. Issay apke anubhav ka pata chalega aur apko production house mein role milne ki sambhavan badh jaayegi.

Film industry ki sabhi nayi jaankari rakhen

Apne paas aisa mobile ya laptop rakhen jisme internet ho aur internet dwara aap film industry ki sabhi nayi jaankari len jaise ki kaun sa production house ya director naye actor ko khoj rah hai ya kaun si jagah audition ho raha hai. Iskay saath hi aap mumbai ke local samachar patra niyamit padhen kyonki inmay shooting ki jaankari aur audition ke baare mein jaankari aati hai. In jaankariyon ko prapt kar aap us sthan par pahunch jaayen jahan audition hona hai aur apni sabse acchi acting karen jo sabhi audition dene aaye logon se alag ho. Is say apke chayan ki sambhavna badh jaayegi. Esliye hume acting mai careee karane ke liye film industry ki sabi nayi jankari rakhani chahiye

Sampark banayen

Jab aap audition dene ya kam ki talash mein production houses mein jaayenge to wahan bahut se log honge. Wahan aisay bhi log honge jo aapki tarah naye honge aur actor banne mumbai aaye honge. Aap unsay sampark banayen. Jissay aage unsay apko madad mil sakti hai. Ho sakta hai ki aap kabhi kisi audition ke baare mein nahin jaante hon tab agar apka sampark ke logon ki sankhya adhik hogi to apko apne aap hi har auditio ka pata chalta jaayega.

T.V. serial production house mein bhi jaayen

Actors ki Filmon se zyada zaroot t.v. serial production house mein hoti hai kyonki aaj kal roz naye serial ban rahe hain aur woh bhi bahut samay tak chalte hain. Yahan bhi payment bahut accha haota hai isliye t.v. serial production house ke audition par zaroor jayen.

Janiye Fashion Designing Mein Career Kaise Banaye.

Tags: ,
Easy Life Tricks
Sponsored Channel
Mr Hindi Indian Youtube Channel