Acidity Kaise Dur Kare – Ilaj aur Upay – Jankari Hindi Me एसिडिटी कैसे दूर करे


Acidity Kaise Dur Kare - Ilaj aur Upay - Jankari Hindi Me

Acidity Kaise Dur Kare – Ilaj aur Upay

Acidity Kaise Dur Kare – एसिडिटी का इलाज और उपाय

Hello, Hamne pichle article me apko pachan kriya sudharne ke baare me bataya tha. Is article me hum uska part-2 yani Acidity Kaise Dur Kare ke bare me janenge kuch aur batein. Kuch gharelu nuskhe aur tips. Hum jab bhi ghar se bahar jate hain toh kuchh na kuchh zarur khate hain. Chahe party main jaye ya mele main bina kuchh khaye wapas nahi ate. Humari roj ki life main yeh ek normal baat ban chuki hain. Chaliye jane Acidity ka ilaj and uske upay ke bare me.

Apachan/ Acidity Problem

Aaj kal logo ka jadatar samay bahar hi gujarta hain. Kamkaj wale logo ka pura din office main gujarta hain aur students ka din school, college main gujarta hain. Aise main hum ghar se jada bahar hi khana khate hain. Lekin kabhi kabhi bahar ka khana kha lene ke karan hume apachan ho jata hain jiske karan hume bahut suffer karna parta hain. Kuchh log jo sharir se strong hote hain woh log asani se recover kar lete hain lekin jo log sharir se kamjor hote hain un logo ko recover karne main kafi time lagta hain sath sath unhe kafi taklif bhi hoti hain. Kabhi kabhi toh chhoti si apachan ke karan hi kuchh logo ko hospital main admit hone ki naubat aa jati hain. Isiliye hume yeh koshish karni chahiye ki hume apachan na ho. Apachan se bachne ke liye humara yeh janna bahut hi zaruri hain ki hume apachan kyu hota hain ya apachan hone ka karan kya hain. Toh aaiye jan lete hain ki kis kis karan se hume apachan hota hain.

Jada spicy khana na khaye

Jada spicy khana khane se bhi hume apachan ho sakta hain. Agar aap apachan se bachna chahte hain toh spices thoda kam hi khaye. Aap apne khane par thoda sa control rakhkar apachan hone se khud ko bacha sakte hain. Ek baar apachan ho jane par hume kuchh dino tak apne favorite khane pine se dur rahna padta hain. Isiliye aap apne khane pine par agar thoda sa dhyan denge toh aap apne aapko apachan hone se bacha sakte hain.

Bahut der bhukha rahne ke baad jada khana kha lene se

Agar aap bahut der tak bhukha rahte hain aur uske baad achanak bahut jada khana kha lete hain toh isse aapko apachan ho sakta hain. Agar aap bahut der tak bhukha rahte hain toh dhyan rakhiye ki fast todne ke baad aap kuchh halka khana aur kam hi khaye. Ayesa karne se aap apachan hone se bache rahenge.

Acidity Kaise Dur Kare

  • Maansik tanav, ashanti, bhay, chinta, krodh ke karan paachan aangon ke avashyak paachk rason ka srav kam ho jaata hai jisse ajrin ki takleef ho jaati hai aur ajrin ka vikrat rup gas ki bimari paida kar deta hai.
  • Bhojan me mung, chana, matar, arhar, aalo, sem chaval tatha tej mirch masala yukt aahaar adhik matra me sevan na kare. Jaldi pachne vaale aahar jaise sabjiyan, khichdi, chokar sahit bani aate ki roti, dudh, torai, kaddu palak, tinda, saljam, adarak, awala, nimbu aadi ka sevan karna chahiye.
  • Bhojan khub chaba chaba kar aaram se karna chahiye. Beech beech me adhik paani na piye. Bhojan ke do ghante ke baad 1 se 2 glass paani piye. Dono samay ke bhojan ke beech halka nashata fal aadi avashye khaayen.
  • Tel gaarisht bhojan se parhej kare. Bhojan saada, satvik aur prakratik avastha me sevan karne ki koshish kare.
  • Din bhar me 8 se 10 glass paani ka sevan avashya kare.
  • Pratidin koi na koi vayam karne ki aadat jarur banaye. Shaam ko ghumne jaayen. Pet ke aasan se vayam ka pura laabh milta hai. Pranayam karne se bhi pet ki gas ki takleef dur ho jati hai.
  • Sharab, chaaye, coffee, tamabaku, gutkha jaise aadat se bache.
  • Prakartik vegon ko roke rakhne ki aadat ko chode jaise mutr ya mal.
  • Din me sona chod de aur raat ko mansik parishram se bache.
  • Ek chamach ajwain ke saath chutki bhar kala namak bhojan ke baad chabakar khane se pet ki gas shigr hi nikl jaati hai.
  • Adarak aur nimbu ka ras ek ek chamach ki matra me lekar thoda sa namak milakar bhojan ke baad dono samay sevan karne se gas ki sari takleef dur ho jati hai, aur bhojan bhi hajam ho jata hai.
  • Bhojan karte samay beech beech me lehsun, hing thodi thodi matra me khate rehne se gas ki takleef nahi hoti.
  • Harad, sonth ka churn aadha aadha chamach ki matra me lekar usme thoda sa sendha namak milakar bhojan ke baad paani se sevan karne se pachan theek prakar se hota hai aur gas nahi banti.
  • Nimbu ka ras lene se gas ki takleef nahi hoti aur pachan kriya sudharti hai.

Upar diye gaye kuchh lines ko padhkar humne jana ki hume kis kis wajah se apachan ho sakta hain. Ab khane par control rakhna toh utna asan kaam nahi hain isiliye agar hum log yeh jan le ki kis kis wajah se hume apachan hota hain toh sayad hum apachan hone se khud ko bacha sake. Aap log humare aaj ke iss lekh ko dhyan se padhiye taki aap logo ko pahle se hi yeh pata chal jaye ki aap logo ko apachan se bachne ke liye kya kya nahi karna hain. Jab aap log pahle se hi yeh jan jayenge ki apachan se bachne ke liye aap logo ko kya kya savdhani ko apnana hoga toh aap log pahle se alert ho jayenge. Jab aap log pahle se hi alert ho jayenge toh aap log khud ko apachan hone se bacha sakenge aur apni life ko khate pite hue khushi se enjoy kar payenge.

Janiye Sehatmand and Healthy Body Tips.

Mr Hindi Indian Youtube Channel