Acha Beta Kaise Bane | Ache Gun And Sanskar Ki Jankari


Acha Beta Kaise Bane - Ache Gun And Sanskar
Acha Beta Kaise Bane

Acha Beta Kaise Bane

Hello friends! Aajka humara title hain Acha Beta Kaise Bane. Aap logo se hum bas yahi kahenge ki aap log iss lekh ko acchi tarah se pura read kariye aur ek accha beta ban jaiye. Toh chaliye ab hum niche diye gaye lekh ko padhte hain.

Acha beta banne ke tips

 Humesha apni zimmedario ko samjhe

Agar aap sanch main ek acche bete banne ki khwahish rakhte hain toh aap kabhi bhi apni zimmedario ko neglect na kare. Woh kahte hain na ki jo apni zimmedario se bhagta hain ya fir apni zimmedario ko pura nahi karta, woh insan kabhi bhi khush nahi rah sakta. Jis tarah se maata pita ke unke baccho ke prati bahut si zimmedaria hoti hain thik ussi tarah se baccho ki bhi unke maata pita ke prati aur unke sath sath pure parivaar walo ke prati kuchh zimmedaria hoti hain, jinko pura karna unke liye bahut hi zaruri hota hain.

Toh aap bhi agar kisi ke bete hain aur aap ek acha beta banne ki khwahish rakhte hain toh aap humesha apne unn zimmedario ko pura karne ki koshish kare, jo zimmedaria aapke maata pita aur aapke parivaar walo ke prati aapki hain. Jis din aap apni zimmedario ko samjhe lenge aur jis din se aap unn zimmedario ko pura karna suru kar denge, ussi din se aap ek acche bete banne ki sirhi ko ek ek karke paar karne lagenge.

Woh kaam kabhi bhi na kare jis kaam ko karne se aapke maata pita ko dukh pahuche

Kabhi kabhi hum bacche kuchh ayesa kaam kar dete hain, jisse humare maata pita ko kafi dukh pahuchta hain. Isiliye hum aap logo se yeh request karte hain ki aap log woh kaam kabhi bhi na kare jis kaam ko karne se aapke maata pita ko taklif ya dard ho. Ek baat humari yaad rakhiye dosto, agar aap log apne maata pita ko khush nahi rakhenge ya unhe dukh pahuchayenge toh ho sakta hain ki kal chalke aapke bacche aapko wahi dard, wahi taklif de. Iss tarah se aap log bhi kabhi khush nahi rah payenge. Aur iska ek aur nuksan yeh hoga ki dheere dheere yeh ek tradition ban jayega aur najane kitne pidhi tak yeh chalta rahega.

Ab aap log yeh sonch rahe hoge ayesa kaise sambhav hain? Toh suniye dosto, agar aap log apne maata pita ke sath accha vyabahar nahi karenge ya fir unko hurt karenge toh aap logo ke bacche bhi wahi sab sikhenge aur aaj agar woh log aapko aapke maata pita ke sath bura vyabahar karte hue dekhenge toh kal chalke woh bhi aap logo ke sath bhi ayesa hi vyabahar karenge. Aur fir yehi rule traditionally chalta rahega. Isliye hamesha unhe khush rakhte hue yahi soche ki Acha Beta Kaise Bane?

Apne maata pita ke upar kabhi bhi doubt na kare

Kuchh baccho ko kabhi kabhi apne maata pita ke prati kuchh galat dharnaye ho jati hain. Kabhi kabhi kab maata pita apne baccho ko kisi wajah dant dete hain toh baccho ko lagne lagta hain ki sayad unke maata pita unse pyar hi nahi karte. Ayese chhote chhote shak hi kabhi kabhi rishto ko bigarne ke liye kafi hota hain. Kabhi kabhi toh yeh chhota sa doubt kabhi baccho ke mann se ja hi nahi pata aur jaise  jaise bacche bade hote jate hain wese wese yeh doubt bhi bada ho jata hain aur iss tarah se maata pita se unke bacche bilkul alag ho jate hain. Toh aap log agar apne maata pita ko dukh nahi pahuchana chahte toh aap log apne maata pita ke upar kabhi bhi doubt na kare aur humesha apne maata pita ke upar aur unke dwara liye gaye faislo ke upar trust kare.

Apne maata pita ka respect kare

Dosto! Sayad yeh baat humne aap logo ko pahle bhi bataya hain, lekin firse ek baar bata de rahe hain ki kisi bhi rishte main respect ka hona bahut hi jada zaruri hota hain. Aur baat agar maata pita ki ho toh baat thodi si aur jada sensitive ho jati hain. Sayad yeh baat aap log bhi maante honge ki apne maata pita ko respect karna bahut hi jada zaruri hota hain. Toh agar aap bhi ek accha beta banna chahte hain toh aap humesha apne maata pita ka respect kare aur unki icchhao ka samman kare.

Toh dosto! Pasand toh aaya na aap logo ko upar ke tips. Ummid hain pasand aaya hoga and samajh hi chuke honge ki Acha Beta Kaise Bane. Kyu ki upar jo ache bete banne ke char tips aap logo ko diye gaye hain, woh tips humne pure dil se diye hain. Actually jin  baato ko hum khud feel karte hain wahi tips humne aap logo ko iss lekh main diya hain. Actually main kaha jaye toh ek ache bete ke sirf yahi char gun nahi hote, matlab ki ek accha beta banne ke liye humare andar aur bhi bahut sari  qualities ka hona bahut zaruri hota hain lekin humne kuchh basic tips aapko diye hain taki inn tips ko follow karke atleast aap log ek acche bete banne ki shuruat kar sake. Toh end main hum aap logo se bas yahi request karenge ki aap log inn tips ko follow kariye aur ek accha beta banne ka shuruat kar dijiye.

Success aur Motivation tips

What's Your Reaction?

Love It Love It
0
Love It
Like It Like It
0
Like It

Acha Beta Kaise Bane | Ache Gun And Sanskar Ki Jankari

log in

reset password

Back to
log in