Aankhon Ki Dekhbhaal Kaise Kare Eye Care Le – आँखों की देखभाल कैसे करे


Aankhon Ki Dekhbhaal Kaise Kare

Aankhon Ki Dekhbhaal Kaise Kare

Aankhon Ki Dekhbhaal Kaise Kare – आँखों की देखभाल

Kam umar me chashma lag jana aajkal ek samanya si baat hai. Is samasya se jujh rahe log ise majburi maankar hamesha ke liye apna lete hai. Lekin aisa nahi hai ki agar kisi karan se ek baar chasma lag jaye to vah utar nahi sakta. Chasma lagane ka sabse pramukh karan aankhon ki theek dekhbhaal na karna, poshak tatva ki kami ya anuvanshik ho sakta hai. Inme se anuvashink karan ko chodkar anya karano se laga chasama sahi dekhbhal aur khanpan ka dhyan rakhne ke saath hi desi nuske apnakar utaara ja sakta hai. Aaj hum apko batane ja rahe hai kuch aise hi ghrelu nushke jo aankhon ki samsya me raamban ki tarah kaam karte hai. Aaiye jante he Aankhon Ki Dekhbhaal Kaise Kare Eye Care kaise Le.

Aankhon ki problem

Aankhe humare sharir ka ek ayesa aang hain jiske bina hum apni zindagi ki kalpana bhi nahi kar sakte. Agar humari aankho main kabhi bhi koi bhi problem aa jati hain toh hume bilkul bhi accha nahi lagta hain aur hum yeh chahte hain ki kaise bhi karke humari aankhe swast ho jaye. Apni aankho ko swasth rakhne ke liye hum bahut sare tarike apnate rahte hain aur kabhi kabhi hum jankari na hone ke karan hi apni aankho ke sath kuch ayesa kar baithte hain jiski wajah se hume baad main bahut pachhtana par jata hain.

Hum yeh bilkul bhi nahi chahte ki aap log kabhi bhi kisi galat tarike ko apnaye jiski wajah se aap logo ke aankho ke sath kabhi bhi kuchh bhi galat na ho. Aaj iss lekh ke jadiye hum aap logo ke liye kuchh ayese tricks lekar aaye hain jisko agar aap log dhyan se padhenge aur aajmayenge toh aap logo ki aankho main kabhi bhi koi bhi problem nahi aayegi aur aapki aankho main agar koi problem hain toh woh bhi in tricks ko apnane ke baad bilkul dur ho jayegi. Isiliye humari aap logo se yeh request hain ki aap log in tricks ko padhiye aur kam se kam ek baar follow zarur kariye.

Aankhon Ki Dekhbhaal karne ke kuchh asan tarike

Goggles pahan kar apni aankho ki dekh bhal kare

Suraj ki kari dhup aur UV rays se humare aankho ko kafi hani pahunch sakti hain. Aap logo ko humesha yeh koshish karni chahiye ki kaise aap log apne eyes ko suraj ki kadi dhup aur UV rays se bachakar rakh sake. Aap log apni aankho ko inn cheezo se bachakar rakhne ke liye apni eye’s main goggles pahan kar rakh sakte hain. Goggles ki madat se aap log apni aankho ko suraj ki kadi dhup aur UV rays jaisi hanikarak cheezo se bacha sakte hain.

Shahad se aankho ki dekh bhal kare

Agar aap chahte hain ki aapki aankhe safed aur ujwal ho toh aapke liye sahad ka istemaal istemaal kafi faydemand sabit ho sakta hain. Aap roj raat ko sone se pahle apni dono aankho main ek do bund karke sahad daal lijiye. Ayesa rojana karne se aapki aankhe sundar aur safed safed ho jayenge.

Apni aankho ko ek din main kam se kam do baar dhoye

Aankho ko humesha thande aur saaf pani se wash karte rahna chahiye. Kabhi kabhi humare aankho main kachra ya dust ghus jata hain jiske wajah se humare aankho main itching ya jalan hone lagta hain. Isiliye aap log apni aankho ko din main kam se kam do baar wash kariye. Ayesa lagatar karne se aapki aankhe humesha swasth rahegi aur aapki aankho main kabhi bhi koi problem nahi aayegi.

Apni aankho ko bharpur aram de

Aap agar apni aankho main koi problem hote nahi dena chahte toh aap log apni aankho ko bharpur aram dijiye. Kam raushni main kisi bhi chhoti cheez ko dekhne se bachiye aur jada raushni se bhi apni aankho ko dur rakhiye.

Aankhon Ki Dekhbhaal Ke Kuch Tips

  • Pairon ke talvo par sarson ke tail ki malish karke soye. Subah ke samay nange pairo hari ghas par chale aur niyamit rup se alom vilom pranayam kare ankhon ki kamjori dur ho jayegi.
  • Ek chane ke dane jitni fitkari ko senkkar so gram gulabjal me dale aur rojana raat ko sote samay is gulabjal ki chaar paanch bund aankhon me dale saath hi pair ke talvon par ghee ki malish kare isse chashmeke number kam ho jate hai.
  • Awalen ke pani se aankhen dhone se ya gulabjal dalne se aankhe svasth rehti hai.
  • Badam ki giri, badi sounf aur mishri, teeno ko samanya matra me mila le. Roj is mishran ko ek chamach matra me ek glass dudh ke saath raat ko sote samay le.
  • Belpatra ka 20 se 50 mililiter ras pine aur 3 se 5 bund aankhon me kajal ki tarah lagaane se ranthodhi me aaram hota hai.
  • Aankhon ke har prakar ke rog jaise paani girna, aankhen aana, ankhon ki durbalta aadi hone par raat ko aath badam bhigokar subha pis kar pani me milakar pi jaye.
  • Ratri me sote samay arandi ka tel ya sehad aankhon me dalne se aankhon ki safedi badhti hai.
  • Kanapti par gaaye ke ghee ki halke haath se rojana kuch der masaj karne par aankhon ki roshni badhti hai.
  • Nimbu aur gulabjal ka samaan matra ka mishran ek ek ghante ke antar se aankhon me dalne se aankhon ko thandak milti hai.
  • Trifala churn ko ratri me paani me bhigokar, subah chaankar us paani se ankhen dhone se netrajyoti badhti hai.
  • Laghpatha naamak lata ke pattiyon ke ras ko bhi netra rogon me prayog karane ke vidhan hai.
  • Rojana din me kam se kam do baar apni aankhon par thande paani ke chinte jarur mare. Raat ko trifala ko bhigokar subah us paani se aankhen dhone se aankhon ki bimariyan dur hoti hai aur jyoti badhti hai.
  • Ek chamach  paani me ek bund nimbu ka ras dalkar do do bunde aankhon me dale. isse aankhen svasth rehti hai.
  • Aankhon par chot lagi ho, jal gayi ho, mirch masala gira ho, koi kida gir gya ho, aankhen laal ho to dudh garm karke usme rui ka fua daalkar thanda karke aankhon par rakhne se laabh hota hai.
  • 1 se 2 gram mishri tatha jeere ko 2 se 5 gram gaaye ke ghee ke saath aur lendipipar ko chash me ghiskar aankhon me lagane se ranthodi me fayda hota hai.
  • Thandi kakdi yak ache aalo ki slice katkar das mint aankhon par rakhe. Paani adhik piye. Paani kami se aankhon par sujan dikhai deti hai. Sone se 3 ghante pehle bhojan karna chahiye. Aisa karne se aankhen svasth rehti hai.
  • Gulab jal ka foha aankhon par ek ghante bandhane se garmi me hone vaali pareshani me turant aaram mil jata hai.
  • Shyam tulsi ke patte ka do do bund ras 14 din tak aankhon me dalne se ranthondi rog se laabh hota hai. Is prayog se aankhon ka peelapan bhi mitta hai.
  • Kela, ganna khana aankhon ke liye hitkari hai. Ganne ka ras piye.
  • Ek nimbu ek glass paani me pite rehne se jeevan bhar netra jyoti bani rehti hai.
  • Haldi ki gaath ko tuvar ki daal me ubalkar, chaya me sukhakar, paani me ghiskar suryasat se purv din me do baar aankh me kajal ki tarah lagaane se aankhon ki laalima dur hoti hai aur ankhen svasth rehti hai.
  • Subah ke samay uthkar bina kulaa kiye muh ki laar apni aankhon me kajal ki bhanti lagaye, lagatar 3 mahine karte rehne par chasme ka number kam ho jata hai.

Upar diye gaye lekh ko padhkar aap logo ne yeh jana ki kaise hum apni aankho ki dekh bhal kar sakte hain. Toh ab se aap logo ko apni aankho ki dekh bhal ko lekar jada paeshan hone ki zarurat nahi hain ab bas aap logo se humari yeh request hain ki aap log bas in tricks ko acche se follow kariye aur apni aankho ki bahut acche se dekh bhal kariye.

Ladkon Ko Impress Karne Ke Tips.

Mr Hindi Indian Youtube Channel