Aadhar Card Kaise Banaye | Status Pata Kaise Kare | आधार कार्ड कैसे बनाये

Aadhar Card Kaise Banaye | Status Pata Kaise Kare | आधार कार्ड कैसे बनाये

Aadhar Card Kaise Banaye

Adhar card ke bare main toh aap sab ko pata hoga ki. Kyuki aaj kal har insan ke paas adhar card hota hain, yaha tak ki jo anpadh hain unke paas bhi adhar card hota hain kyuki adhar card ek ayesa document hain jiski har kisiko zarurat padti hain. Hala ki adhar card aaj har ek Insaan ki zarurat hain lekin abhi bhi bahut se ayese log hain jinke paas abhi bhi adhar card nahi hain. Iska reason agar hum janna chahe toh ek hadd tak iska reason yeh bhi hain ki bahut logo ko abhi bhi yeh malum nahi hain ki adhar card kaise banaya jata hain ya adhar card ke liye application kaise dala jata hain.

Toh aaj hum apne iss lekh main aap logo ko yeh acchi tarah se samajha denge ki adhar card kaise banaya jata hain. Toh ab bas hum aap logo se yahi kahenge ki aap log iss lekh ko acchi tarah se read kariye aur adhar card kaise banaya jata hain yeh detail main sikh lijiye.

Aadhar Card Kaise Banaye

Aadhar card sabhi bhartiyon ko compulsory karne karne ka achcha vichar tha par court ne ise compulsory nahi kiya he. Lekin ye sankalpana bahot achchi he. Sarkar aadhar card ko gas subsidy sidhe apne bank account me paane ke liye jaruri karne ka vichar kar rahi hai. Itna hi nahi, passport banvane ke liye bhi ise jaruri karne ka prastav rakha gaya hai. Itna hi nahi, aandhra pradesh me gaadi kharidne ke liye aadhar card dena anivarya kar diya gaya hai. Jo dheere dheere pure desh me lagu ho sakta hai. In sabhi se yeh andaja lagaaya ja sakta hai ki sarkar dheere dheere kai sare kaamon ke liye aadhar card ko jaruri kar sakti hai. Lekin abhi bhi desh me aise bahoot sare log hai, jinke pass aadhar card nahi hai. Chaliye jaane Aadhar Card Kaise Banaye – Status Pata Kaise Kare – Jankari Hindi Me.

Aadhar Card Kaise Banaye

Hum aapko bata rahe hai ki aadhar card kaise banavaya jaaye aur iske liye kya karna hoga. Aadhar card banane vaale najdiki camp ya office me jaaye. Aapke najdik jo bhi aadhar card banane ka office ho, aapko vahan jaana hoga. Iske liye kai baar kuch khas camp bhi lagaaya jaate hai. jinme jaakar aap aadhar card banva sakte hai. Ek vyakti ke aadhar card ki karvahi puri karne me lagbhag 10 minute se 20 minute tak ka samay lagta hai. Aadhar card banvane ke liye aapko kuch jaankariyan bhi deni hoti hai.

Kya jankariyan deni hoti hai

  • Aadhar card banvane ke liye sabse jaruri hoti hai aapki tasveer, jo center par hi khinchi jaati hai.
  • Aapke finger prints bhi aadhar card ki prakriya ko pura karne ke liye bahoot hi jaruri hote hai.
  • Aadhar card ko suraksha ke lihaj se aur aadhik prabhavi banane ke liye center hi aapka retina scan bhi jaata hai.
  • Pehchaan aur pate ke proof ke tour par bhi document center par le jane hote hai. inme pehchaan ke proof ke tour par aapka pancard, voter id card ya passport le jaana hoga. Vahin pate ke proof ke liye voter id card, passport, raashan card, bijli ya paani ka bill kaam aa sakta hai.
  • Aapse sari jankariyan le lene ke baad aapko ek enrollment number de diya jaata hai. jiske aadhar par aap apne adhar card ka status bhi jaan sakte hai.

Id na hone par kya kare

Agar aapke pass koi id nahi hai to iske liye aap kisi gazetted officer se apni application ko pramanit kar sakte hai.

Kitne din lagta hai aadhar card banne me

Aadhar card banne me lagbhag 1 se 2 mahine ka samay lag sakta hai.

Mobile number aur email id Jarur register karaye

Mobile number dene ka sabse bada fayda aapko apne aadhar card ka status pata karne me hoga. Saath hi, mobile number aur email id par aadhar card se judi suvidhayen ke baare me bhi jankari milti rahegi. Aadhar card ka status janne ke liye aapko 14 ankon ke enrollment number ki jarurt hoti hai. jo aapko center par registration ke baad diya jaata hai. Status jaane ke liye aapko aadhar card banavane ke liye register kiye gaye.

Aadhar card ka Status kaise pata kare

Apne mobile ke message box me uid status likhkar ek aur space aane ke baad apna 14 ankon ka enrollment number likhen aur 51969 par bhej de.

Example:- EID (1234/12345/12345) is form me hoga.

Message bhejne ke baad aapko apne aadhar card ka status pata chal jayega. Iske liye aap https://eaadhaar.uidai.gov.in/ ya https://portal.uidai.gov.in/uidwebportal/enrolmentstatusshow.do link par jaakar bhi apne aadhar card ka status jaan sakte hai.

Aap online bhi aadhar card ka status check kar sakte he. Apko jo enrollment form mila hoga uspar se EID (1234/12345/12345) aur Date/Time (dd/mm/yyyy hh:mm:ss) puri detail isi format me upar wali link par fill kare. Check Status ke button par click karte hi apko pata chal jayega ki apka aadhar card ban chuka he ya phir kaha tak bana he.

Fees

Aadhar card banvane ke liye koi bhi fees nahi li jaati hai. Ye yojna sarkar ki taraf se free me karvayi ja rahi he. Agar koi apse ise banane ke paise mange to aap usko mana kare. Aur agar usne apka aadhar card banane se mana kar diya to aap uski shikayat bhi kar sakte he.

Kaun banava sakte hai aadhar

  • Desh me rehne vala koi bhi shaksh ise banva sakte hai.
  • Navjaat shishu ka bhi aadhar crad ban sakta hai.
  • Navjaat ke mamle me biomatrix ki jarurt 5 saal ki umr ke baad padti hai.
  • Iske liye saal bhar me kabhi bhi aavedan kiya ja sakta hai.

Baccho ka adhar card banwane ke niyam

1 varsh se upar ke baccho ka adhar card banwane ke liye avedan kiya ja sakta hain. Chhote baccho ke ungliyo ke nishan ke roop main baccho ki biometrics data liya jata hain. Baccho ka adhar card banwane ke liye janam tithi ka praman patra (birth certificate) hona zaruri hain. Jab baccha 5 saal ka ho jata hain tab adhar card banane ke liye biometrics data lekar usse uske adhar card se joda ja sakta hain. Bacche ka 15 saal par ho jane par akhri baar uska biometrics data lekar usko adhar card ke sath joda jayega. Kisi bacche ka adhar card banane ke liye uss bacche ke mata – pita ka pahchan praman patra aur pate ka praman hona zaruri hota hain.

Toh chaliye ab hum aap logo ko adhar card banane ke liye zaruri documents ke bare main jankari de date hain

Name aur photo yuqt pahchan praman document ki suchi.

  1. Passport.
  2. Voter ID.
  3. Pan card.
  4. Ration/sarvajanik vitaran pranali ke photo card.
  5. Driving licence.
  6. NREGS job card.
  7. Sarkari photo ID card/PSU dwara jari kiye gaye seva photo praman patra.
  8. Kisan photo passbook.
  9. Photo bank ATM card.
  10. Photo credit card.
  11. Pension bhogi credit card.
  12. CGHS/ECHS photo card.
  13. Dack – vibhag dwara jari kiye gaye name aur photo ka pata card.

Adhar card ke fayde

Wese toh adhar card ke bahut sare fayede hain jinke bare main aap logo ko pata hi hoga lekin aaj hum aap logo ko kuchh ayese fayedo ke bare main batane wale hain jinke bare main sayad aap logo ko abhi bhi jankari na ho. Toh chaliye jan le ki woh fayede kya kya hain.

  1. Agar aapke paas LPG gas connection hain toh aap iss par milne wali subsidy sidhe aapke bank account main transfer ho jayega.
  2. Garibo ke liye bhi adhar card ke kai sare fayede hain. Woh log adhar card ke dwara bank main apna acount khulwa sakte hain.
  3. Manrega users ko unke account main sidhe unki mazduri prapt ho sakti hain.

Dosto! Ab tak aap log yeh samajh chuke hain na ki adhar card kaise banaya jata hain. Toh ab deri kaisi aur jhijhak kis baat ki? Bas aap log iss lekh ko iss lekh main diye gaye kuchh asan aur saral tricks ko acchi tarah se read kariye aur ho sake toh follow bhi kariye.

Foreign / Videsh Me Study Karne Ke Liye Kya Kare?

A project by AnalogFolk © 2017