12th Ke Baad Career Kaise Kare – Jankari Hindi Me


12th Ke Baad Career Kaise Kare - Jankari Hindi Me

12th Ke Baad Career Kaise Kare – Jankari Hindi Me

12th Ke Baad Career Kaise Kare

12th class ki parikshaon ka parinam nikal jaane ke baad students aage ki padhai ke liye college mein aate hain aur yeh unke career ka ek bahut bada avsar hota hai kyonki unke aage ke career ke decision par hi unka bhavishya tay hota hai. Is mod par ek sahi nirnay lene se kisi student ki zindagi sanvar jaati hai aur woh ek acchi naukri paa jaata hai. To aaiye jaane ki 12th class ke baad career decide karne ke liye aap kaun se course kar sakte hain.

Aaj ke iss lekh ko jab aap log puri tarah se read kar lenge tab aap logo ko yeh acchi tarah se samajh main aa jayega ki hume 12th ke baad career banane ke liye kya kya kar sakte hain.

12th ke baad career banane ke kuchh tips

Apni hobby ko pahchane

Agar aap apni puri life ko khushi khushi aur happyness ke sath gujarna chahte hain toh aapke liye yeh bahut zaruri hain ki aap ussi kaam main apne aapko involve kare ya ussi kaam main apna career banaye jis kaam ko karne main aapka ruchi ho kyuki agar aapne koi ayesa kaam choose kar liye jis kaam ko karne main aapki interest hi nahi hain toh aap uss kaam ko kabhi bhi sahi dhang se nahi kar payenge aur kabhi uss kaam ke jadiye apni life aur apne career ko develop nahi kar payenge. Sirf itna hi nahi, sath sath uss kaam ko karke aap kabhi bhi apni life main khush nahi rah payenge. Isiliye aap sabse pahle yeh jan le aur samajh le ki aapko apni life main actually main karna kya hain fir ussi hisaab se aap apni life main kuchh pane ki, kuchh hasil karne ki koshish zari rakhe.

Dhiraj ka sath kabhi bhi na chhore

Agar aap apni life main kuchh pana chahte hain, kuchh hasil karna chahte hain toh aapko kabhi bhi dhiraj ka sath nahi chhodna hain. Humare kahne ka matlab yeh hain ki aap apne career ko lekar zarur exited rahiye magar apni excitement ko itna bhi badhaiye ki aapka dhiraj hi aapka sath chhod de. Aap agar dhiraj nahi rakhenge toh aap kisi bhi kaam ko gambhirta ke sath nahi kar payenge aur aap kisi kaam ko gambhirta ke sath nahi karenge toh uss main safal hone ke chances bhi kam hi rahenge. Isiliye aap log apne man ko sant rakhiye aur apne andar dhiraj rakhiye. Dhiraj ke sath dheere dheere karke agar aap kisi kaam ko karenge toh aap uss kaam main zarur safal ho payenge aur ek accha career banane main bhi safal ho payenge.

Life ko seriously le

Ab yeh baat toh swabhavik hain ki hum jab tak 10th, 12th class tak hote hain tab tak hum apni zindagi ko future ko lekar zara bhi serious nahi hote aur iss time par hum bina kisi tension aur fikar ke dosto ke sath mauj masti karte hue apni life me har ek pal ko jite hain. Lekin jaise hi 12th class ko paar karte hain wese hi humare andar ek ajib si maturity aa jati hain iss umar main apne future aur career ko lekar automatic humare man main fikar aane lagti hain. Jo ki humare future life ko better banane ke liye bahut zada zaruri hain.

Kuchh log ayese bhi hote hain jo 12th ke baad bhi apni life aur career ko lekar serious nahi ho pate hain aur apni life ko ek khel hi samajhte hain. Jo log apni life ko lekar serious nahi hote woh log ayese hi baithe rahte hain aur unn logo ki umar kab nikal jati hain unhe pata hi nahi chalta. Aap log bhi agar nahi chahte ki aap logo ki umar ayese hi nikal jaye aur aap log kuchh bhi nahi kar paye toh aap log 12th ke baad apni life ko lekar serious ho jaiye.

Maths samooh ke liye courses

B.E./B.tech

Yeh course adhikansh Maths students karna chahte hain kyonki isay karne ke baad app engineer ban jaate hain. Is course ki avadhi 4 saal ki hoti hai aur iski pramukh branches Mechanical, Electrical, Civil, Computer, Petrolium, Chemical, Textile, Information Technology, Aeronautical,  Dairy technology, Architecture hain.

B.Sc

Woh students jinka Engineering mein selection nahi hua hai who Maths, Physics aur Chemistry mein B.Sc kar sakte hain. Isaky baad aap M.Sc kar ke kisi college mein lecturer ki job pa sakte hain.

B.C.A

Yadi apki software aur IT comapnies mein kam karne ki ruchi hai to aap B.C.A kijiye. Iskay baad M.C.A karke aap ko in companies mein acchi naukri mil sakti hai.

B.Arch

Is course ko karne se aapko buildings aur construction ki knowledge prapt hogi jismay aage ki padhai kar aap private construction companies mein job paa sakte hain ya sarkari naukri pa sakte hain.

Biology samooh ke liye courses

MBBS

Yeh course doctor bannae ke liye kiya jata hai. Yeh course 5 saal ka hota hai. Isay karna sabhi biology lene wale students ki choice hoti hai par doctor banna itna assan nahi hai. Kam seats hone ke karan keval wahi students select ho pate hai jo medical ki pravesh pariksha mein top merit mein aate hain. Isliye yadi aap MBBS karna chahte hain to apko bahut mehnat karni chahiye.

BDS

BDS yani Bachelor of Dental surgery. Daton ka doctor is course ko karne se hi bana jata hai. Agar apka MBBS mein selection nahin ho paya hai par apke number acche aaye hain aur apko BDS mein pravesh mil raha hai to ismay admission le lijiye. Daton ke doctor ka aaj kal bahut accha bhavishya hai.

B.A.M.S

B.A.M.S yani aayurved ka doctor banna. Yadi apka M.B.B.S aur BDS mein chayan nahi hua hai to aap B.A.M.S karke aayurved ke doctor ban sakte hai. Aayurved mein doctor bankar aapko sarkari aur private sansthano mein naukri mil sakti hai.

Pharmacy

Is course ko karne ka baad aap dawaiyon ki companiyon mein naukri paa sakte hai. Iskay saath hi is course ko karne ke baad apko medical store kholne ka bhi licence mil jaata hai.

BHMS

Is course ko karke aap Aaurved aur homeopathy dawa banane wali companies mein naukri paa sakte hain. Iskay saath hi aap inka medical store bhi khol sakte hain.

B.Sc

Aap Botany, zoology aur chemistry mein B.Sc kar sakte hain tatha uskay baad kisi ek vishya mein M.SC. karke lecturar ban kar kisi college mein padhane ki naukri paa sakte hai. Chemistry ki jagah agriculture lekar aap usmay bhi B.Sc. aur M.Sc. kar sakte hain.

Arts samooh ke liye courses

BBA

Woh students jinhone arts liya hai aur jinka Maths accha hai who BBA kar sakte hain. BBA karne ke baad aap MBA kijiye aur agar apki English acchi hai to aap acchi multinational company mein naukri paa jayenge.

BA

Arts ke vidharthi BA mein admission lekar MA karne ke baad kisi college mein lecturer ban sakte hain aur students ko padha sakte hain.

LLB

Arts samooh ke students LLB karke vakalat bhi kar sakte hain. Iskay baad aap pratiyogi parishayen dekar civil judge tak ban sakte hain.

Commerce samooh ke liye courses

CA

Chartered Accountant bankar har commerce ka student apna bhavishya ujjwal kar sakta hai par iske prashna patra thode kathin hote hain. Isliye isay pass karne ke liye zyada mehnat aur abhyaas ki zaroorai hoti.

B.Com

B.Com kar aur usakya baad M.Com kar tatha tally aur doosre softwre sikhkar aap kisi bhi jagah accountant ki naukri aasani se prapt karte hain.

Ab jab aap logo ne iss lekh ko puri tarah se read kar liya hain toh aap logo se humari request hain ki aap log inn tips ko follow kariye aur 12 th ke baad ek accha sa career bana lijiye.

Jivan Mai Success Kaise Hasil Kare?**

Tags: ,
Mr Hindi Indian Youtube Channel